tbz versprach ja am freitag mit was leichterem in die woche zu starten und waere schon fast grad gescheitert weil sie an nem text ist der dann doch grad wieder bitz taetscht mit blut, religion und weissnichtwas, also schon lustig, aber "leicht"? drum nun lieber ein schifffaehrtli drum nun ein text den tbz anfang jahr schrieb nach nem aufenthalt am thunersee und den ein paar leute hinter den kulissen schon lasen aber noch nicht die exorbitant hohe anzahl an ana.abonnentens. und wenn er nicht leicht ist dann liegt das nur daran dass er auf ne mundart verfasst ist was tbz sonst nie tut und also experimentell ist. starke nerven dafuer! und einen guten start in die woche -- = -- wo d'tbz übere schiffschtäg inenisch und zum heck louft (sie goht drum immer use, ou im winter), ghört sie bim wägloufe e passagierin, wo nachire igschtiigenisch und wo äuä isch bliibe schtoh, nachem schiffschtäg, zunere matrosin säge: "dir heit ja gar nit ghupet!". echli empört. u d'matrosin seit "hie tüe mer nie, wäg de hoteugescht... hie dörfe mer nid..." döt isch drum s'hoteu beatus, und dass döt echli die mehbessere loschiere, merkt meh schpötischtens denn, weme ghört, dasse matrosin echli duch und mit chli beduure seit, sie dörfe hie ebe nid hupe. me muess übrigens ufpasse, es git de no es angers hoteu beatus. weme vo dött, wosi nid döfe hupe, mitem bus nach interlake faahrt, gseht mes uf de rächte siite. aber das gseht nid haub eso nobu us, und me isch nie so ganz sicher, obs de überhoupt no offe heig. wüu, wär macht de hützutag no do ferie, weme doch vüu günschtiger ou nöime cha aneflüge, schtatt i sones hoteu wo irgendwo uf der schtrecki nach interlakenisch und äuä ou uf dr schtrecki bliibt. aber nomou zrugg zum hoteu beatus wo gmeint isch gsii. d'tbz hett de auso - und nid öppe numeneinisch - ghört, wie's schiff de scho dött ghupet hett bim zuechefahre. und äntwäder dörfe si numenam sunnti nid hupe. oder de haute sich vo dene matrose und matrosinne oder vo de kapitäninne und kapitän eifach die meischte nid dra. villecht wüssesis nid, aber d'tbz gloubt grad lieber, es sig ne eifach gliich, und no lieber gloubt sie, dass si villech sogar extra hupe, obwou sie nid döfte, wüu die cheibe hoteugäscht jo wou ou chöi nes schiffhupe verträge zwüschem welnässe und ässe und wüu die gar nid müend meine, wär si siged. -- = -- -- = -- -- = -- a n a . w o r d s aus dem hellblauen salon furcht und schrecken seit 1997 vragen & kommentare & texte, die ihr davon findet, sie seien es wert, dass es die ganze welt erfaehrt, oder mindestens die redaktion, dann mailto:words@ana.ch du willst auch? immer mehr? dann abonnier auch du ana.words: http://ana.ch/txt/444 hast du genug? immer weniger? dann bestell doch nicht ana.words ab: http://ana.ch/txt/444 reicht ana.words weiter!
